Bekendmaking jaorthema 2024

ÓS WAERELDSJTAD VLAMT | De 77ste verjaordig van Sjtadsvastelaovesvereniging De Flaarisse is neet allein ein groat feës veur de vereniging, mèr baovenal eine veur gans de Waereldsjtad. Immers is jeedere Gelaendernaer 'ne flaarin of flaaris. Daorom wille veer gaere dit biezunjere jubileumsezoen same mit uch viere: de vief van Gelaen, ózze Flaarisse-femilie, alle bevrunje (paraplu)vereniginge en alle luuj van ós Waereldsjtad (en wied dao boete). 

Dat doon veer door same trök te kieke op ózze rieke gesjiedenis, mèr nog meë door ut doorgaeve van ut vuur: "Ós Waereldsjtad Vlamt". Gedurende ós jubileumsezoen prizzentere veer uch ein uiterst gevarieerd en oetbundig vastelaovesprogram. Zwao brènge veer de vastelaovend - zwao wied g'r van ós gewend zeet - kort bie de luuj, koestere veer ózze tradisies en gaeve v'r de 'vlam' door.