SENAAT
't Senaat van de Flaarisse besjteit oet besjtuurlik en organiesatories zeer ervare
manskaerels, die neet meer aktief zeen bènne de Road van Ellef van De Flaarisse. Ze höbbe häör sjpaore bènne De Flaarisse ruumsjoots verdeend en zeen van groate beteikenis gewaes veur de vereniging en de vastelaovend in Gelaen.
Nao väöle aktieve 'deensjaore' bènne de Road van Ellef, make Senatore vaak nog es adviseur deil oet van eine wirkgroep of kemissie op grondj van häör expertise.
Daonaeve haet 't Senaat ein sjterk sociaal karakter en zeen ze regelmatig betrokke bie de oetveuring van protocollaire- en representatieve take. Jaorliks organiseert 't Senaat oppe lètste vriedig van novemver ein heus buutegale, genaamd 'Buutesjpas'. Ein eësjte klas program aan buute in eine gezellige atmosfeer in de Hanenhof, wo de Buut tot zien rech kump en d’r respect is veur de artieste die ós ammezere.
18e Buutesjpas 2023
In de Hanenhof in Geleen vèngk op vriedag 24 november vanaaf 20:00 oer de 18e edisie van De Buutesjpas plaats.
Weer same lache in eine gezellige atmosfeer, wo de Buut tot zien rech kump en d’r respect is veur de artieste die ós ammezere. Lache same mit en óm Hub Stassen, dae ós es sjpraeksjtalmeister door de aovend leidt en dat mit väöl humor en joeks deit.
Ouch de entreepries is om van te lache, à €15,00! Ondanks alle inflatie-eëlenj hilt ’t Senaat de pries geweun geliek. En bèn eërlik, veur dat bedraag höbs te op ’t Oktoaberfeës get meë es eine hawve liter beer. De veurverkoup geit op 1 november van sjtart bie Kapsalon Roumen oppe mert in Gelaen, bie kapper Cor Roumen oppe Riekswaeg in Gelaen en bie Rousseau chocolade oppe Mèrt 113 in Gelaen.
Geer zeet welkom op vriedig 24 november in de Hanenhof. De zaal geit aope om 19.00 oer en de Augustiner Blaoskapel zal uch dan al in ‘n gooj sjtömming brènge.
Gank veur meë informasie nao: https://www.facebook.com/groups/599895713407717