Wae wurt de 79e Sjtadsprins van ós Waereldsjtad Gelaen? Laot uch verrasje en feës gezellig mit mit ós. Onger angere John Tana en Ivo van der Bijl zurge veur ein feëstelikke sfeer. Op ´t hoagtepunt, mer ruum veur middernach, sjteit de nuje heerser euver ´t Flaarisseriek oppe buhne. 

In gezelsjap van 't Regiment Awt Adjudante Flaarisse (RAAF) en de Soosjeteit Awt Prinse (SAP) sjteit deze aovend garant veur ein bóntj program veur jónk en awd, wobie de veutjes gegarandeerd van de vloer gaon!

Tösje de muzikale elemente door numme veer op ein waerdige meneer aafsjied van regerend Sjtadprins Jelle I Ramakers en zien adjudante Bob en Bas. Mit es ultiem hoagtepunt van de aovend: de proklamasie van de 79e Sjtadsprins van de Waereldsjtad!