43e GVK ■ 11e v/d 11e ■ Waereldsjtad Vastelaoves Reünie ■ Buutesjpas (Senaat) ■ Nach v/d nuje Sjtadsprins ■ Kènjerzitting ■ Resepsie Sjtadsprins(e) ■ Sjoenkeltreffe ■ Prónkzitting ■ Klassjenere (SAP) ■ Vlagheise (RAAF) ■ Vastelaoveskonsèr Philharmonie zuidnederland ■ Intoch Sjtadsprins ■ Sjleuteleuverdrach ■ Groate Waereldsjtadoptoch ■ Waereldsjtad Kènjeroptoch ■ Lètste Aovendmaal >> Program 2024-2025
HOAGTEPUNTE SEZOEN
43e GVK
01.11.2024 | Wae wurd de opvolger van winnares Marie-José Soons mit häör leedje 'Ós Waereldsjtad Vlamt'? Op vriedig 1 november wurd d'r in groate zaal van De Reunie gesjtrede om de titel 'Gelaense Vastelaoves Sjlager 2025'. De organisasie is in henj van de Vief van Gelaen. Insjrieve kènt pès vriedig 1 september 2024.
Nach v/d nuje Sjtadsprins
10.01.2025 | Wae wurd de 78e Sjtadsprins van ós Waereldsjtad Gelaen? Laot uch verrasse en feës gezellig mit op de aansjtekelikke klanke van de aanwezige vastelaovesband. In gezelsjap van 't RAAF en de SAP sjteit dezze aovend garant veur ein bóntj program veur jónk en awd, wobie de veutjes gegarandeerd van de vloer gaon!
Kènjerzitting
12.01.2025 | Leef kènjer, mama's & papa's, oma's & opa's, op zóndig 12 jannewari prizzentere De Flaarisse ein te gek, interaktief program veur ózze (aller)kleinste vastelaovesvierders! Mit es hoagtepunt ‘t oetrope van de 67e Sjtadsjeugprins van ós Waereldsjtad. Zörrig dat geer dit sjieke feëske neet mis! Verkleijde maog!
Meë info
Sjoenkeltreffe
05.02.2025 | "Kóm sjoenkel 'ns richtig mit ós mit!" Wie jeder jaor prizzentere veer de senioren in ózze Westelikke Miensjtreek ein hoagsjtaond vastelaovesprogram, mit artieste van vreuger én noe. Karl Christoph, Dansstudio Rick Schmitz, Jef Verheijden en de Geliende zörrige veur ein utesj vermakelikke sjtömming.
Prónkzitting
08.02.2025 | Belaef ’t ultieme ‘vastelaoves-geveul’. Veer prizzentere uch ein exclusieve aovend mit eësjteklas program. Pruuf Mar, Conny Bruynaers, Gwen Dohmen, Kölsche Funke Rut Wiess von 1823, Henk & Ton, Kammerkätzchen & Kammerdiener en Spik & Span zörge veur ein utesj gevarieerd en vermakelik program.
Meë info
Waereldsjtad Optoch
02.03.2025 | De Waereldsjtadoptoch is 't hoagtepunt van jeder vastelaovessezoen. Jaor nao jaor verwonjert de optoch weer de väöle doezende bezeukers langs de kant van de waeg, mit bontje, de meist ludieke & oetbunjige kreasies. Sjrief uch in es einzelgänger, duo, kleine of groate groep mit (of zónger) wage! De route löp...
Pès de äöpening van 't vastelaovessezoen op de 11e van de 11e. En belaef 't ultieme
vastelaovesgeveul te midde van De Flaarisse!
AKTUALITEITE
Jaorthema 2025: "Doog mit, gaef door!"
Op vastelaovesdinsdig höbbe De Flaarisse 't jaorthema veur 't vastelaovessezoen 2025 bekènd gemaak. De Waereldsjtadvastelaovend zal kómmend jaor geviert waere onger ‘t motto: “DOOG MIT, GAEF DOOR!" Sjus wie de gelieknamige hit van de Soosjeteit Awt Prinse, richte veer ós aan jederein dae dat sjoane vastelaovesgeveul aan ein volgende generasie (of aan nuje inwoners van de Waereldsjtad) wilt doorgaeve. Same viere, danse en sjoenkele, 't deile van eine lach en 'ne traon, van sjpas en plezeer. En baoveal 't doorgaeve van tradisies en de laevende volkscultuur.
Program 2025
43ste Gelaens Vastelaovesleedjes Konkoer
Op vriedig 1 november 2024 zal de 43ste edisie van 't GVK plaatsvenje in café-zaal De Reunie. Tiedes dizze aovend wurt gesjreeje om de titel Gelaense Vastelaoves Schlager 2025. Wae wurt de opvolger van winnares Marie José Soons mèt Ós Waereldsjtad Vlamt? Bès doe arties en wils doe de Gelaense Vastelaovend van prachtige meziek veurzeen, meld dich dan aan. Dit kèn middels 't insjriefformuleer (bekiek ouch 't reglement). De organisasie is in henj van de Vief van Gelaen en de muzikale óngersjteuning is van de Bertha Bend. De jurering vingk plaats door vakjury en publieksjury. De entree veur dizze aovend is gratis! Dus reserveer deze aovend alvas en kom op vriedig 1 november nao Café-Zaal De Reunie.
Info & insjrieve
Ónthulling cheque jubileumsjilderie
Op 19 april jl. waor ’t dan zoa wiet. Sjtadsprins Thy I en Opperflaaris Bert Lemmens, noe in burger, brachte ein bezeuk aan ‘Stichting Bloempje voor het Goede Doel’ en ónthulde dao de cheque van €444,- mit de opbrèngs van ’t jubileumsjilderie. Thy haw namelik bie ’t akseptere van zien prinssjap aangegaeve dat hae ouch gaer ein maatsjappelik doel wilde sjteune door ’t veile van ein spesjaal door häöm gemaakt sjilderie. ‘Stichting Bloempje voor het Goede Doel’ verzörg ónger angere gratis kènjerfeëskes veur kènjer wo van de awwesj dao neet de middele veur höbbe. Zie waore dan ouch erg blie mit dees biedrage en gaon dit weer aan ein good doel mit de kènjer oetgaeve.
Laes wiejer
Oetsjlaag Waereldsjtadoptoch 2024
Wat waor 't ein fantastische Waereldsjtadoptoch! 'T raegende sjlòk, konfetti en sjokkelaad! De väöle doezende vastelaovesgekke langs de kantj van de waeg höbbe van jedere minuut genaote - en in 't biezunjer Sjtadsprins Thy I! Bedánk aan jederein dae biegedrage haet aan deze biezunjere daag! Bekiek hie de oetsjlaag van de Waereldsjtadoptoch 2024.
Veiling jubileum sjilderie Sjtadsprins Thy I
Op de Sjleuteleuverdrach woort door Thy I zien jubileum sjilderie ónthult. Dit sjilderie wurt geveild en de opbrengst geit volledig nao ‘t gooje doel: 'Stichting Bloempje voor het goede doel'. De stichting verzörg o.a. gratis kènjerfeëskes veur kènjer wo van de awwesj dao neet te middele veur höbbe. Kiek veur meë info op: www.bloempjevoorhetgoededoel.nl.
Momenteel sjteit ‘t hoagste bod op €𝟯𝟯𝟰,-. Biedinge kènne waere oetgebrach via info@flaarisse.nl. Aansjtaonde vriedig 1 meërt om 23:11 oer wurt de veiling aafgesjlaote.
Sjebbetige Sjoatelsplak 2024
Op ein volbezatte Sjleuteleuverdrach in Gelaen haet de geheim kemissie besjlaote óm dit jaor de 'Sjebbetige Sjoatelsplak' oet te reike aan wethawwer Peter Janssen van Baekdalen.
Natuurmonumente en ouch de gemeinte Baekdalen lieke op dit moment namelik gein taegesjpel te beje aan ’t idee óm in Danike ein natuurbegraafplaats te realisere. Daoróm dan ouch dat de Sjebbetige Sjoatelsplak dit jaor wurt oetgereik aan de wethawwer en Natuurmonumente.
Waereldsjtad Vastelaoves Reünie oetgesjteld
De groate Waereldsjtad Vastelaoves Reünie wurt verplaatst nao november 2024.Oet de reaksies die veer höbbe maoge óntvange bliek dat, mede door ‘t korte sezoen, ein aantal vereniginge, klubkes en vastelaovesgekke verhènjerd zeen op deze aovend. Daoróm is in euverlègk besjlaote óm de Reünie ter eëre van 7x11 jaor Waereldsjtadvastelaovend te verplaatse nao november 2024! Meer informasie volg later.
Dánk veur ein prachtige Jubileum Prónkzitting
Wat eine “sensationelle” Jubileum Prónkzitting höbbe veer belaef! Geer waort ein fantastisch publiek! Same höbbe veer de Waereldsjtad laote vlamme. Ein biezunjer DANKJEWEL aan ózze zakelikke & particuliere sjponsore, die deze aovend mede meugelik make!
Dank ouch aan ózze kapel van Harmonie Sint Cecilia 1866 ónger leiding van Maurice Heunen, Pruuf Mar, Conny Bruynaers, Gwen Dohmen, de Kölsche Funke rut-wieß vun 1823, Henk en Ton, Tanzgruppen Kammerkätzchen und Kammerdiener, Spik & Span en Aafsjlaag Zitterd die deze aovend tot ein biezunjer "jubileum sjpektakel" höbbe gemaak! En natuurlik ózze eige Zittingkemissie en Seerkemissie veur de organisasie en aankleijing.
SJTEUNBAERE
Dank aan al ós sjponsore en vriewilligers veur de óngersjteuning bie ós evenemente. Ózze 'bèste sjteunbaere' veur 2023:
Kènjeroptoch
<< Pagina wurd nog aan gewirk >>
DE FLAARISSE
't Belangriekste doel van Sjtadsvastelaovesvereniging De Flaarisse is 't organisere, oetdrage en wiejer óntwikkele van de vastelaovend in de Waereldsjtad Gelaen. Dit in eine balans van sjpas, plezeer, óngerling respek en samewirking op ein waerdige meneer.
De vereniging Sjtadsprins(e) Vriewilligers