NUUJTS & AKTUALITEITE

Proklamasie Sjtadsjeugprins Dylan I Jaspers

Tiedens eine gezellige en drökke kènjermiddig is Dylan I (Jaspers) oetgerope es Sjtadsjeugprins van de Waereldsjtad. Dylan sjpeelt in ziene vrieje tied ieshockey bie de U13 van de Smoke Eaters en aaf en toe kump hae ouch oet veur ´t Nederlands team. De kómmende waeke zal hae mit ziene mede hockeyer en adjudant Mason alle oetheuk van de Waereldsjtad bezeuke en daobiej zal ziene liefsjpreuk väöl klinke...

Laes wiejer 

Proklamasie Sjtadsprins Jelle I Beckers

Tiedens de Nach van de nuje Sjtadsprins 2025 mit es ultieme ontknóping de proklamasie van ózze 78ste Sjtadsprins van de Waereldsjtad. In eine Hanenhof in Mexicaanse sferen woort awt jeugprins Jelle I Beckers óntmaskerd en geïnstalleerd es nuje heerser euver ´t Flaarisseriek.

Laes wiejer 

Luck Brouns beneump es nuje veurzitter

De Flaarisse prizzentere uch eine nuje veurzitter. De 60-jaorige Luck Brouns nump daomit de veurzittershamer euver van Frank Bessems, dae aafgeloupe vastelaovesdinsdig aafsjied noam nao 23 jaor aktief lidmaatsjap.

Brouns is in 't dageliks laeve wirkzaam veur SABIC en zet zich gaere in veur versjillende Gelaense vereniginge, wo-ónger de Heemkunde, Cultuurfederatie en Kiwanis. Saer 2014 is Luck aktief lid van de raod van ellef, wo-van de lètste jaore in de funksie van sjriever. In zien nuje rol kiek hae d'r nao oet om de organisasie wiejer te versjterke, de loupende & kommende oetdaginge aan te pakke en de jóng flaarisse-generasie te óngersjteune richting de toekóms.

Veer bedanke Frank Bessems veur zien jaorelange inzat veur de Waereldsjtadvastelaovend en in 't biezunjer De Flaarisse. En wunsje Luck Brouns väöl sukses in zien nuje rol es veurzitter.

Laes wiejer

Gesjlaagde äöpening sezoen 2024-2025

Nog eine keër trökkieke en geneete van de 11de van de 11de en daomit de äöpening van ós Waereldsjtadvastelaovend! 

Wat waor 't sjiek. Veer begoosj'te de daag mit eine bonte middig bie Zuyderland Glana. Gevolg door de installasie van ózze nuje veurzitter Luck Brouns, dae daomit de veurzittershamer euvernump van Frank Bessems. Daonao ging 't richting de Sint-Augustinuskirk veur de dialekmès o.l.v. pesjtoor Kanke en de Mèrt veur 't oplaote van de aafgebrende gaaskaetel, same mit de Vief van Gelaen, de Flaarisse-femilie en hermenie St. Augustinus Geleen. Mit dank aan Jos Cremers en Leon Geilen kleurde ós veurmalig Sjtadhoes in de prachtige vastelaoveskleure.

Bekiek Facebook-post 

Persberich: 'EN NOE?' Gelaense Sjlager 2025

Óndanks 't neet doorgaon van 't Gelaens Vastelaovesleedjes Konkoer, kènt de Waereldsjtad in 't vastelaovessezoen 2024-2025 tóch geneete van eine Gelaense Sjlager: 'EN NOE?' VAN MARIE-JOSÉ SOONS.

Dat maakte de sjtichting 'DE VIEF VAN GELAEN' – wo-in de vief Geleense vastelaovesvereniginge zeen vertegenwoordigd - bekènd. Marie-José Soons zèngk ein nummer dat gesjreeve en gekomponeerd is door Ben Erkens. Ein gooje loesteraar heurt in t leedje maatsjappelikke thema's van alledag trök, verpak in ein vrolikke “jus” zodat veer ondanks deze óntwikkelinge momente van lol en plezier kènne belaeve. Soons won veurig jaor 't GVK mit häör nummer ‘Os Waereldsjtad Vlamt’.

De organisasie van 't GVK is bliej, óndanks 't neet doorgaon van 't Gelaens Vastelaovesleedjes Konkoer toch ein Gelaense Sjlager 2025 te kènne prissentere. Momenteel is de organisasie mit alle direk betrokke partieje in gesjprek, óm 't GVK in 't naojaor van 2025 wederom in ein kampioensjap te laote plaastvènje.

Wirkgroep GVK

Artikel: De Limburger 

Äöpening Waereldsjtadvastelaovend 11de van de 11de

Op maondigaovend 11 november äöpene veer same mit DE VIEF van Gelaen de Waereldsjtadvastelaovend en daomit ‘t nuje sezoen. Tradisiegetroew sjtarte veer ‘t program mit eine dialekmès in de Sint-Augustinuskirk o.l.v. pesjtoor Kanke, gevolg door ’t oplaote van de Aafgebrende Gaaskaetel veur ós Sjtadhoes. Aansjletend is d’r ein feësprogram bie diverse horeca in de bènnesjtad!

📅 Maondig 11 november 2024.
🕣 19:00u Dialekmès in de Sint-Augustinuskirk.
🚃 20:11 Sjtoet richting Mèrt.
🔥 20:33u Oplaote Aafgebrende Gaaskaetel veur ós Sjtadhoes .
🎉Aansjletend feësprogram bie diverse horeca in de bènnesjtad. Entree is gratis. Dresscode: vastelaovend.

Meë info 

19e edisie De Buutesjpas ('t Senaat)

Op vriedig 29 november 2024 vèngk de 19e edisie van De Buutesjpas plaats in De Hanenhof. Eine aovend same good lache, in eine gezellige atmosfeer, wo de kunste van de Buut (tonpraote) tot zien rech kómme en d'r respek is veur de artieste die ós ammezere. Dat is De Buutesjpas. 't Jaorliks trökkerend evenement van 't Senaat Flaarisse, same mit de Augustiner Blaoskapel en sjpraeksjtalmeister Hub Stassen dae ós door de aovend leidt mit de neudige humor en joeks.

Ouch de entreepries is óm van te lache: à €15,- per persoon! Óndanks alle inflasie-eëlenj hilt ’t Senaat de pries geweun geliek. Kaarte zeen vanaaf 1 oktober 2024 in Gelaen te koup bie Kapsalon Roumen oppe Mèrt 52, Rousseau Chocolade oppe Mèrt 113 en Zalencentrum Hanenhof aan de Herenhof 2. Of in Baek bie Linolux De Duif oppe Mèrt 14. En bie dhr. Jan Franssen te bereike op 06-53873201. De zaal geit aope óm 19:00 oer, program sjtart vanaaf 20:00 oer. 

Meë info 

Jaorthema 2025

Op vastelaovesdinsdig höbbe De Flaarisse 't jaorthema veur 't vastelaovessezoen 2025 bekènd gemaak. De Waereldsjtadvastelaovend zal kómmend jaor geviert waere onger ‘t motto: “DOOG MIT, GAEF DOOR!" Sjus wie de gelieknamige hit van de Soosjeteit Awt Prinse, richte veer ós aan jederein dae dat sjoane vastelaovesgeveul aan ein volgende generasie (of aan nuje inwoners van de Waereldsjtad) wilt doorgaeve. Same viere, danse en sjoenkele, 't deile van eine lach en 'ne traon, van sjpas en plezeer. En baoveal 't doorgaeve van tradisies en de laevende volkscultuur.

Program 2025 

Sjebbetige Sjoatelsplak

Op ein volbezatte Sjleuteleuverdrach in Gelaen haet de geheim kemissie besjlaote óm dit jaor de 'Sjebbetige Sjoatelsplak' oet te reike aan wethawwer Peter Janssen van Baekdalen.
Natuurmonumente en ouch de gemeinte Baekdalen lieke op dit moment namelik gein taegesjpel te beje aan ’t idee óm in Danike ein natuurbegraafplaats te realisere. Daoróm dan ouch dat de Sjebbetige Sjoatelsplak dit jaor wurt oetgereik aan de wethawwer en  Natuurmonumente.

Hoesorde 2024 veur Jan de Klijn en Jac Pilon

De hoesorde van de Aafgebrende Gaaskaetel wurt jaorliks aan ein of meerdere persone (of vereniginge) oetgereikt, welke zich op 't gebied van de vastelaovesviering of op maatsjappelik of kultureel vlak, op meë dan normale wies verdeenstelik höbbe gemaak.

Dit jaor woort de hoesorde van de Aafgebrende Gaaskaetel tiedes de Prónkzitting oetgereik aan Jan de Klijn en Jac Pilon veur häör jaorelange inzat veur de Begeleidingskemissie, in 't biezujnjer de verdeenste in de rol van chauffeur van de Sjtadsprins. Al meë es 18 jaor zeen Jan en Jac de vaste besjtuurders van de door Smeets Autogroep besjikbaar gesjtelde Mercedes-prinsewage van De Flaarisse. En sjtaon ze vanaaf begin januari pès esgoonsdig dag en nach klaor. Zónger deze manne is de prins nurges.