NUUJTS & AKTUALITEITE
Leef Flaarinnekes & Flaarisse, hie informere veer uch oet eësjte handj euver de lètse óntwikkelinge en aktualiteite róndjóm de Waereldsjtadvastelaovend. Bie vraoge of suggesties, nömp geer ut bes kontak op via ós kontakformulier.
Vastelaoves Proms Gelaen - Konzèr
Ter aafsjleeting van 't 7 x 11 jubileumjaor van De Flaarisse organiseert de Sjtinging Gelaens Meziekproduksies (SGMP) op zaoterdig 16 november 2024 de Vastelaoves Proms Gelaen in Zalencentrum De Hanenhof. Same mit de 3 hermenieje van Gelaen en ein aantal Gelaense artieste prizzentere ze ein Proms konzèr. Ein muzikaal cadeau, wo klassiek en pop Vastelaovend óntmoete, mit sjpesjaal gesjreve Gelaense tekste wo-in De Flaarisse centraal sjtaon.
De veurbereidinge zeen in volle gang en de verkoup van de kaarte zal bènnekort sjtarte. Veur meë info en de kaartverkoup, volg de facebook- en instagrampagina's van 'Vastelaoves Proms Gelaen'
19e edisie De Buutesjpas ('t Senaat)
Op vriedig 29 november 2024 vèngk de 19e edisie van De Buutesjpas plaats in De Hanenhof. Eine aovend same good lache, in eine gezellige atmosfeer, wo de kunste van de Buut (tonpraote) tot zien rech kómme en d'r respek is veur de artieste die ós ammezere. Dat is De Buutesjpas. 't Jaorliks trökkerend evenement van 't Senaat Flaarisse, same mit de Augustiner Blaoskapel en sjpraeksjtalmeister Hub Stassen dae ós door de aovend leidt mit de neudige humor en joeks.
Ouch de entreepries is óm van te lache: à €15,- per persoon! Óndanks alle inflasie-eëlenj hilt ’t Senaat de pries geweun geliek. Kaarte zeen vanaaf 1 oktober 2024 in Gelaen te koup bie Kapsalon Roumen oppe Mèrt 52, Rousseau Chocolade oppe Mèrt 113 en Zalencentrum Hanenhof aan de Herenhof 2. Of in Baek bie Linolux De Duif oppe Mèrt 14. En bie dhr. Jan Franssen te bereike op 06-53873201. De zaal geit aope óm 19:00 oer, program sjtart vanaaf 20:00 oer.
Jaorthema 2025
Op vastelaovesdinsdig höbbe De Flaarisse 't jaorthema veur 't vastelaovessezoen 2025 bekènd gemaak. De Waereldsjtadvastelaovend zal kómmend jaor geviert waere onger ‘t motto: “DOOG MIT, GAEF DOOR!" Sjus wie de gelieknamige hit van de Soosjeteit Awt Prinse, richte veer ós aan jederein dae dat sjoane vastelaovesgeveul aan ein volgende generasie (of aan nuje inwoners van de Waereldsjtad) wilt doorgaeve. Same viere, danse en sjoenkele, 't deile van eine lach en 'ne traon, van sjpas en plezeer. En baoveal 't doorgaeve van tradisies en de laevende volkscultuur.
43ste Gelaens Vastelaovesleedjes Konkoer
Op vriedig 1 november 2024 zal de 43ste edisie van 't GVK (Gelaens Vastelaovesleedjes Konkeer) plaatsvenje, in Café-Zaal de Reunie. Tiedes dizze aovend wurt gesjreeje om de titel Gelaense Vastelaoves Schlager 2025. Wae wurt de opvolger van winnares Marie José Soons mèt Ós Waereldsjtad Vlamt? Bès doe arties en wils doe de Gelaense Vastelaovend van prachtige meziek veurzeen, meld dich dan aan. Dit kèn middels 't insjriefformuleer... (bekiek ouch 't reglement). De organisasie is in henj van de Vief van Gelaen en de muzikale ongersjteuning is van de Bertha Bend. De jurering vingk plaats door vakjury en publieksjury. De entree veur dizze aovend is gratis! Dus reserveer deze aovend alvas en kom op vriedig 1 november nao Café-Zaal De Reunie.
Oetsjlaag Waereldsjtadoptoch 2024
Wat waor 't ein fantastische Waereldsjtadoptoch! 'T raegende sjlòk, konfetti en sjokkelaad! De väöle doezende vastelaovesgekke langs de kantj van de waeg höbbe van jedere minuut genaote - en in 't biezunjer Sjtadsprins Thy I! Bedánk aan jederein dae biegedrage haet aan deze biezunjere daag! Bekiek hie de oetsjlaag van de Waereldsjtadoptoch 2024.
Sjebbetige Sjoatelsplak
Op ein volbezatte Sjleuteleuverdrach in Gelaen haet de geheim kemissie besjlaote óm dit jaor de 'Sjebbetige Sjoatelsplak' oet te reike aan wethawwer Peter Janssen van Baekdalen.
Natuurmonumente en ouch de gemeinte Baekdalen lieke op dit moment namelik gein taegesjpel te beje aan ’t idee óm in Danike ein natuurbegraafplaats te realisere. Daoróm dan ouch dat de Sjebbetige Sjoatelsplak dit jaor wurt oetgereik aan de wethawwer en Natuurmonumente.
Waereldsjtad Vastelaoves Reünie oetgesjteld
De groate Waereldsjtad Vastelaoves Reünie wurt verplaatst nao vriedig 22 november 2024. Oet de reaksies die veer höbbe maoge óntvange bliek dat - mede door ‘t erg korte sezoen - ein aantal vereniginge, klubkes en vastelaovesgekke verhènjerd zeen op deze aovend. Daoróm is in good euverlègk besjlaote óm de Reünie ter eëre van 7x11 jaor Waereldsjtadvastelaovend te verplaatse nao vriedig 22 november 2024! Meer informasie volg later.
Dánk veur ein prachtige Jubileum Prónkzitting!
Wat eine “sensationelle” Jubileum Prónkzitting höbbe veer belaef! Geer waort ein fantastisch publiek! Same höbbe veer de Waereldsjtad laote vlamme. Ein biezunjer DANKJEWEL aan ózze zakelikke & particuliere sjponsore, die deze aovend mede meugelik make!
Dank ouch aan ózze kapel van Harmonie Sint Cecilia 1866 ónger leiding van Maurice Heunen, Pruuf Mar, Conny Bruynaers, Gwen Dohmen, de Kölsche Funke rut-wieß vun 1823, Henk en Ton, Tanzgruppen Kammerkätzchen und Kammerdiener, Spik & Span en Aafsjlaag Zitterd die deze aovend tot ein biezunjer "jubileum sjpektakel" höbbe gemaak! En natuurlik ózze eige Zittingkemissie en Seerkemissie veur de organisasie en aankleijing.
Hoesorde 2024 veur Jan de Klijn en Jac Pilon
De hoesorde van de Aafgebrende Gaaskaetel wurt jaorliks aan ein of meerdere persone (of vereniginge) oetgereikt, welke zich op 't gebied van de vastelaovesviering of op maatsjappelik of kultureel vlak, op meë dan normale wies verdeenstelik höbbe gemaak.
Dit jaor woort de hoesorde van de Aafgebrende Gaaskaetel tiedes de Prónkzitting oetgereik aan Jan de Klijn en Jac Pilon veur häör jaorelange inzat veur de Begeleidingskemissie, in 't biezujnjer de verdeenste in de rol van chauffeur van de Sjtadsprins. Al meë es 18 jaor zeen Jan en Jac de vaste besjtuurders van de door Smeets Autogroep besjikbaar gesjtelde Mercedes-prinsewage van De Flaarisse. En sjtaon ze vanaaf begin januari pès esgoonsdig dag en nach klaor. Zónger deze manne is de prins nurges.
Proklamasie Jubileumjeugprins Vinn I Boesten
Vanmiddig is op eine gezellige drökke kènjermiddig Vinn I (Boesten) oetgerope es Jubileumjeugprins van de Waereldsjtad. Vinn dans in ziene vrieje tied bie Dansstudio Rick Schmitz. De kómmende waeke zal hae mit ziene adjudant Mees alle oetheuk van de Waereldsjtad bezeuke en daobiej zal ziene liefsjpreuk väöl klinke...
Proklamasie Jubileum Sjtadsprins Thy I Ramakers
Veer geneete nog ummer nao van eine grandioze Nach van de nuje Sjtadsprins 2024 mit es ultieme ontknóping de proklamasie van ózze 77ste Sjtadsprins van de Waereldsjtad. In eine bomvolle Hanenhof woort Thy I Ramakers óntmaskerd en geïnstalleerd es Jubileumprins van Sjtadsvastelaovesvereniging De Flaarisse Gelaen...
Jubileumsjpang 7x11 jaor
Ózze jubileumpin is vanaaf noe te koup à €5,- per sjtök bie de Pekskesbazaar in de Salmsjtraot, via 't kontakformulier of door ein mail te sjture nao info@flaarisse.nl. ‘t Ontwerp van ós jubileumlogo en deze pin zeen van de handj van Dimitri Delnoye Design (DDD).
Nieuwe Jubileum Stadsprins Geleen duikt op in Parijs
Dat de nieuwe 77ste Stadsprins van Geleen over enkele dagen samen met zijn adjudanten een ware ‘TGV’ instapt, dat mogen duidelijk zijn. Zeker nu De Flaarisse haar 7x11 jarig jubileum vieren, vol met feestelijke zittingen en activiteiten die zich in sneltreinvaart opvolgen tijdens dit korte carnavalsseizoen.
Andere ‘Waereldsjtad’
In het diepste geheim reisde de aanstaande jubileumprins met zijn adjudanten en enkele raadsleden al af naar die andere Waereldsjtad Parijs voor de opnames van enkele teasers, in aanloop naar de ‘Nach van de nuje Sjtadsprins’ van aankomende vrijdag 5 januari.
Op bezeuk bie 'Glazen Huis Geleen'
Van donderdig 14 t/m zóndig 17 december vonj oppe Mèrt in Gelaen de 4de editsie van 't Glazen Huis Geleen plaatsj. Deze editsie woort geld opgehaold veur sjtichting 'Ik Doe Mee!'. Zie helpe kènjer in de gemeinte Zitterd-Gelaen die laeve in ermooj. Veer 4 radioprizzentatore (Sandra, Veerle, Mick en Bjorn) höbbe zich 72 oer lang laote opsjleete in 't Glaze Hoes en dreijde - natuurlik taenge betaling - plaetjes op aanvraog. De Flaarisse ginge op bezeuk bie de DJ's óm polshoagte te nömme en uiteraard ein biedrage te levere aan dit prachtige initiatief.
Mysterieuze euverdrach bie Etalage Bistro Bar
#BREAKING: Live getuuge zeen veer gewaes van ein mysterieuze euverdrach in de bènnesjtad van Gelaen, bie Etalage Bistro Bar óm precies te zeen. Wat en wae zeen veer hie op beeld...?!?! Tel same mit ós aaf richting de 'Nach van de nuje Sjtadsprins 2024' op vriedigaovend 5 jannewari 2024!
Gulden Humor groot succes
Reportage Doorstart-TV | Het was een drukte van jewelste in de pas gerenoveerde grote sporthal van Glanerbrook. Vrijdag 25 november vierde Sjtadvastelaovesvereniging De Flaarisse de aftrap van hun 7x11 jarig jubileum met de uitreiking van de Orde van de Gulden Humor - Limburgs hoogste carnavalsonderscheiding van de Samewirkende Limburgse Vastelaovesvereniginge (SLV) - aan voormalig Gouverneur Theo Bovens.
Aansluitend vond in Laco Glanerbrook een feestavond plaats, waar 1500 carnavalisten uit heel Limburg konden genieten van een eersteklas programma, met onder meer de Keulse topband Die Klüngelköpp, Don Kiesjot, Toddezèk, Tanzcorps Colonia Rut Wiess, Richtig Rex, Hoondervel en Spik & Span! Een mooie gelegenheid voor Doorstart-TV om eens een kijkje te gaan nemen.
De nuje Sjtadsprins is 'gebaore'
Veur aanvang van 11de van de 11de zeen d’r obbèns verdachte beelde opgedaoke. ‘t Haet d’r alle sjien van dat d’r witte rouk is bie De Flaarisse. En wao rouk is, is vuur… "Ós Waereldsjtad Vlamt" want de nuje 77ste (Jubileum) Sjtadsprins is gebaore! Tel same mit ós aaf nao de Nach van de nuje Sjtadsprins 2024 op 5 jannewari 2024! En hawd ózze socials in de gate.
Trökblikke óm veuroet te kieke
‘t Kostelikke sjpel geit weer beginnne in aanloup nao de 'Nach van de nuje Sjtadsprins 2024'. In de kómmende waeke kènt geer hiej jeedere zaoterdig mitsjpeure nao de ónthullinge van ózze toekomstige heerser van de Waereldsjtad. Laot uch verrasje. En feës gezellig mit op vriedig 5 jannewari bie de 'Nach van de nuje Sjtadsprins', op de aansjtaekelikke klanke van JOHN TANA en vastelaoves-band LINKE MIK.
Marie-Jose Soons wint 42ste GVK
‘Ós Waereldsjtad Vlamt’ 't leedje van Marie-Jose Soons is in ein bomvolle Reunie oetverkaoze pès de Gelaense sjlager 2024. Veer felicitere Marie-Jose en bedanke alle finaliste, de Bertha Bend en juryleeje veur häör deilname en inzet veur behawd van ‘t Gelaense leed. ‘Ós Waereldsjtad Vlamt’ wurd gezónge door Marie Jose Soons. Tèks en meziek zeen van Wil Aendekerk en Bas Kielen.
Finaliste 42ste GVK bekènd
Op vriedig 3
november is 't weer zoa wied. Dan sjteit groate zaal van De Reunie gans in 't
teike van ’t Gelaense Leed. Vanaaf 20:11 oer sjtrieje 7 leedjes om de titel
'Gelaense Vastelaoves Schlager 2024'! Dit zeen de deilnömmende leedjes...
Laes wiejer
Veer tèlle aaf! Äöpening & program 11-11
't Is dát biezunjere laevesgeveul dat twelf wieke en buurte
verbènjd: de Waereldsjtad-vastelaovend. Op 11 november äöpene veer 't “viefde
sezoen” - en daomit ós jubileumsezoen - mit eine dialekmès in de Augustinuskirk,
gevolg door ’t oplaote van de Aafgebrende Gaaskaetel.
Laes wiejer
Save the date: 25 november 2023
Op zaoterdig 25 november äöpene veer mit ózze Gulden Humor Feësaovend op knallende wijze ós 7x11 jaorig jubileumsezoen. Vier mit ós mit in de hernuujde sjporthalle van Glanerbrook en geneet van ein eësjteklas program, mit artieste oet bènne en boetelandj.
Awd-gouverneur Bovens laureaat Gulden Humor
De heer Theo Bovens is vandaag verrasj gewoore tot laureaat van de Gulden Humor. De oetreiking zal plaats vènje op zaoterdag 25 november bie Sjtadsvastelaovesvereniging De Flaarisse Gelaen. De Gulden Humor wurt saer 1962 es häögste Limburgse vastelaovesorde...
Bekendmaking jubileummotto 2024
Op vastelaovesdinsdig höbbe De Flaarisse ut jaorthema veur häör 7 x 11 jaorig jubileumsezoen bekènd gemaak. De vastelaovend in de Waereldsjtad zal kómmend jaor geviert waere onger ‘t thema: “Ós Waereldsjtad Vlamt!"
De Aafgebrende Gaaskaetel is aafgelaote
De vastelaovend is noe éch gedaon. Veer höbbe genaote van jederein dae aafgeloupe sezoen op welke meneer dan ouch haet biegedrage aan de sjoane zittinge en aktiviteite in ós Waereldsjtad. Gelaen bedánk!
Laes wiejer
Waereldsjtadoptoch 2023 - 't waor fantastisch!
Eindelik tròk de Waereldsjtadoptoch weer door de straote. 'T raegende sjlòk, kermelle, konfetti en sjokkelaad! Veer höbbe van jedere minuut genaote - en in ut biezunjer Sjtadsprins Sjoerd I! Bedánk aan jeederein dae biegedrage haet aan dizze biezunjere daag!
Auwere nuujtsberichte zeen bie de euvergank nao nuuj website gearchiveerd gewoore.
SJTEUNBAERE
Dánk aan al ós sjponsore en vriewilligers veur de óngersjteuning bie ós evenemente. Ózze 'bèste sjteunbaere' veur 2024:
