SJTADSPRINSE GALERIE
In jannewarie 1948 haw Jean Janssen de eër óm es eësjte Gelaense Sjtadsprins ‘t vastelaovesezoen in te gaon. Hae woort oetgerope op de Bóntje Aovend in de cinema Royal. Daezelfde aovend woort ouch de eësjte Gelaense sjlager geprizzenteerd: “Gelaen dat wurt ein Waereldsjtad”, womit ouch nog veur d’n eësjte keër de naam 'Waereldsjtad' gebroek woort. Ein resepsie waor sjnel gepland in hotel Canisius, mer eine optoch zoat nog neet d’r in. Toch koosj Jean I zich in augustus van dat jaor aan ‘t Gelaense publiek veursjtèlle in eine echte optoch. Geine vastelaovesoptoch, mer eine historische sjtoet bie gelaegeheid van 't 50 jaorig regeringsjubileum van Keuningin Wilhelmina. Ein jaor later woort de eësjte echte Revue Gelaen Waggelt georganiseerd, wo-op jaorliks de nuje Sjtadsprins woort oetgerope.
Sjtadsprinse Hans III Keulards (1992-1993) en Daan II Zweipfenning (2020-2021-2022) zin meerdere sezoene achtereinvolgend prins gewaes. Hans III vanwaege de Golfoorlog. Daan II is drie sezoenen Sjtadsprins gewaes door de COVID pandamie.
Saer 2023 wurd de Sjtadsprins oetgeroope tiedes de 'Nach van de nuje Sjtadsprins', oppe eësjte vriedig - van 'ne volledige waek - in jannarwari.
Jean I (Janssen)
"Viert vastelaovend in Gelaen, door Gelaen en veur Gelaen!"
Harie I (van den Boogaard)
"Vastelaovend 1949 veur de Gelaense maedjes"
Wil I (Theelen)
"Al biejein in de drek kar"
Jo I (Meertens)
"Viert vastelaovend op 'n gooj en gepaste maneer,
dat is toch ós Waereldsjtad tot eër"
Hans I (Küpers)
"Tot onger 't kroet Gelaen veuroet"
Ernest I (Bemelmans)
"Doe bès 'n sjlokmoel"
Lou I (Vos)
"Laot mich mer gewaere"
Hub I (Keizers)
"Same handj in handj, door ós Flaarislandj"
Hub II (Meijers)
"Flaarin en Flaaris, verloochent neet eur blood,
viert vastelaovend gepast en good"
Gerrit I (Tillmanns)
"Al höbbe veer gein .... of ziekehoes,
in Gelaen veult zich ederein thoes!"
Ben I (Lucassen)
"In dit jubileumjaor, aan 'm noe, ich sjtaon klaor!"
Jan I (Heijthuijzen)
"Luu van Gelaen: maak lol, maak sjpas,
maak plezeer, mèr hawt ós sjtad in eër!
Zef I (Lemmens)
"Jonk en awt mit de vastelaovend 3 daag oet de boet,
en rope dan mit mich; Gelaen Veuroet!"
Sjo I (Feron)
"Op gepaste maneer, make veer plezeer,
de sjtop d'r vanaaf, Gelaen Alaaf!"
Paul I (Gilissen)
"Noe alleneij gewaggelt op en aaf,
de Waereldsjtad Gelaen, Alaaf!"
Sjaak I (Helwig)
"Gelaense luu, viert vastelaovend onger de Flaarisseparapluu"
Jan II (Scheepens)
"De Waereldsjtad sjteit op zien kop,
de road van ellef geit veurop,
gedraag uch allemaol Tip Top!"
Gaston I (Chorus)
"Mien leefste narrenatie, veer make geine kal,
veer höbbe geine tied veur annexatie,
veer viere karnaval!"
Peter I (Houben)
"Jonk en awt, werm of kawt,
allemaol draan, Gelaen veuraan"
Frans I (Dissen)
"Zit uch allemaol 't maske aaf,
't is Carnaval, Alaaf!"
Jean II (Meijntz)
"Drink beer, maak plezeer,
bezörg Gelaen gein blamage,
want de carnaval is ós etalage"
Hans II (Klinkers)
"Mit of zonger BTW, de Flaarisse viere hun jubilee,
doot mich en hun ein groat plezeer,
viert vastelaovend op Waereldsjtad maneer"
Sjarel I (Lowet)
"Gaot neet mit nao de maon,
mèr blief uch in Gelaen ammezeere en oetgaon"
Frans II (Kremers)
"Auch mit karnaval, vilt de appel neet wiet van de sjtam"
Paul II (de Bruijn)
"Viert carnaval es noajts te veure,
loat uch aan ózze burgemeister heuëre,
zèt uch makse neet op mer aaf,
mer blief uchzelf, Alaaf!"
Willie II (Dols)
"Al brik op de Reeperbaan jeder roet,
mit de vastelaovend gaon veer droet"
Ad I (Hoogenboom)
"Al kriege veer minder energie, veer viere de vastelaovend aeve bliej"
Peter II (Smits)
"Ondanks 't jaor van de vrouw, blieve veer de vastelaovend trouw"
Ruud I (van Wersch)
"Al sjmiete ze gans Limburg doorein, mit de vastelaovend zint veer ein!"
Bert I (Salden)
"van Eijsde tot de Mookerhei, sjteit alles oppe kop.
't Zunk, 't sjprunk, 't sjoenkelt alle neij en eine gooje Flaaris löp veurop"
Ron I (Vinken)
"Viert carnaval mit gooje maneere,
hub geer meujte mit parkeere,
dan wil ich uch waal fitse leëre."
Koos I (Snijders)
"Al sjtong de ganse waereld de drie dolle daag op ziene kop,
vastelaovend in Gelaen, sjteit bie mich, Altied Veurop!"
Lou II (Kleinjans)
"Tot onger 't kroet, Gelaen Veuroet!"
Jos I (Cremers)
"Väöl buule höb ich mótte bloaze, aer ich tot uche prins woort gekaoze.
De vastelaovend blief ich troew, mien Waereldsjtad A-laaf You!"
Jan Willem I (de Pont)
"Ies of gein ies, mit de vastelaovend is 't pries!"
Leon I (Kerdel)
"Al geit 't in deeze tied misjien neet zo good,
de Gelaense vastelaovend blif altied in ós blood."
Jack I (Klinkers)
"Al verbleijke alle kleure en is 't verfwerk neet meë gaaf,
de vastelaovend blieve veer viere,
hiej in ós Waereldsjtad, Alaaf!"
Eddy I (Roumen)
"Sjprèng drie daag in 't rondj, maak sjpas en hos.
Ich maak daonao uch sjpiere los."
Robert I (Knops)
"Laot geine tied verlaore gaon. Maak sjpas, 't is zo gedaon."
Rob I (Haane)
"Ós waereldsjtad vol lol en sjpas, auch dat haet Gelaen,
dat hawte veer vas!"
Axel I (Glaesmaekers)
"Ós toekoms is weer vol vertroewe, want veer kènne in Gelaen weer boewe.
Vier daorom dees daag mit väöl sjpas en plezeer.
Mer hawt Gelaen en uchzelf in eër."
Albert I (Veenendaal)
"Väöl tied is ós neet gegaeve, om ós ens richtig oet te laeve.
Pak uch dus vas in de Waereldsjtad, veur dat geer 't wèt,
höbbe veer de vastelaovend gehad!"
Nicol I (Vermeer)
"Al sjpraeke Pap en Mam gein plat, ich bèn eine jóng oet de Waereldsjtad.
En al kump d'r noats ein centrumplan, mèt vastelaovend gaon veer drie daag d'ran"
Hans III (Keulards)
"Eine Karnaval haet Gelaen al jaore.
Toch wört de vastelaovend ummer opnuuj gebaore.
Same zulle v'r d'r get sjoans van make
en ós waeredsjtad 'ns good laote krake."
Hans III (Keulards)
"Veer zeen noe aan-ein gewènd. Ich bèn nog neet aafgebrend.
Veer gaon weer drie daag veuroet. Volgend jaor, sjei ich zeker oet."
Koen I (van de Berg)
"De Waereldsjtad geit op en aaf, zoa is 't laeve, Gelaen Alaaf!
Chris I (Cremers)
"Al bèn ich oppe Lèntjheuvel gebaore en getaoge en wèrk ich in Awt-Gelaen.
Geine zal mich dao nao vraoge, want de vastelaovend zit mich van hoes oet in 't blood
en sjus daorom wört de vastelaovend in Gelaen extra good!"
Rico I (Meijers)
"Es Sjtadsprins baeregood en vlot, weit ich: in Gelaen geit 't wie 't mot.
Mèt vastelaovend zètte veer ós Waereldsjtad oppe kop.
Ich gaon uch daobiej gaer veurop!"
Patrick I (Hafkamp)
"Gelaen, maak dizze vastelaovend väöl sjpas,
mit mich veurop haole veer alles oet de kas"
Hans IV (Lemmens)
"De Flaarisse-raod naom ein wies besjloet
en sjik mich es politieke Sjtadsprins d'r op oet.
Same mit ós hónderdjaorige Hermenie zörg ich:
Gelaen, dao kump dich nemes aan de priej!"
Pascal I (Lemeer)
"Aan de Kloes bèn ich gebaore, biej 't RAAF bèn ich aktief.
Alle dörpele kènne mich waere gesjtaole,
want mit de vastelaovend geit ós Waerelsjtad wie eine lokomotief!"
Patrick I (Joosten)
"Oet FC Gelaen-Zuid kump de Sjtadsprins dit jaor,
pès tweedoezend sjtaon ich veur uch klaor.
Es Patrick II zal ich uch veurgaon,
Gelaen, ós Waereldsjtad blif ummer besjtaon"
Ivan I (Sleijpen)
"Gelaen, 'ne sjoandere naam kènt nemes verzinne.
Sjus wie de vastelaovend, 't zit hiej van bènne!"
Jeroen I (Klinkers)
"Noe effe geine tuin mit Klinkers en sjtein,
mer pès esjelegoonsdig de kriebels in de bein!"
Raymond I (Peters)
"Gegarandeerd Europroof höbbe ze mich gekaoze óm es Raymond I door Gelaen te raoze. Heël greuëtsj en mit väöl plezeer maak ich miene jongesdruim waor,
es jubileumprins in 't 55ste Flaarissejaor."
Paul III (Wiertz)
"Es Sjtadsprins gaon ich veurop, veer make SJPAS en zètte alles oppe kop.
De vastelaovend gaon veer same make, ós Waereldsjtad geit drie daag krake!"
Raymond II (Vallen)
"Groat getrokke mèt greunte en fruit, kondisie krieg ich biej FC Gelaen-Zuid.
Luuj van ós Waereldsjtad. Dit jaor wört ein baere sezoen,
mit mich veurop gaeve veer 'm van katoen!"
Ton I (Willems)
"Auch al is de sjtöp in ós centrum nog neet aan de kantj,
veer viere vastelaovend handj in handj.
Euver al dae sjtöp make veer geine kal,
is ós Waereldsjtad blif de vastelaovend baove al!"
Arne I (Schouren)
"Es Sjtadsprins oet ein richtig Gelaens nes, weit ich:
de vastelaovend in ós Waereldsjtad wört weer opperbès"
Stefan I (de Vries)
"Dit jaor zèt ich biej mien jaorig hermenie Sint Augustinus alles oppe kop.
Oete Waeg! Ich loup dit jaor es Sjtadsprins biej de Flaarisse veurop."
Xavier I (Maurer)
"Vastelaovend in de Waereldsjtad is de sjoanste tied.
Dooch mit mich mit, dan raakste dat geveul neet kwiet.
Ich bèn sjtolz uch es Sjtadsprins mit mien vaere veur te maoge gaon.
De tied is kort, mer mit sjpas en meziek is 't nog lang neet gedaon!"
Jorn I (Heutmekers)
"Mien sjtekke laot ich lègge, mien trom blif dit jaor sjtaon.
Dees vastelaovend in ós Waereldsjtad Sjleut Inne! Gelaen, laot gaon!"
Ritchie I (Bakx)
"Aeve geine meister, waal prinselikke meziek.
Zoa sjitter ich driej daag door mien Flaarisseriek!"
Kevin I (Quix)
"Mit SJPAS gaon ich veurop, en maak plezeer mit uch alle. Gelaen, ich weit 't zeker. Dizze vastelaovend geit knalle!"
Jeroen II (Remmel)
"Fitse is mien hobby veur 't laeve,
mér noe raadgek van de vastelaovend;
Gelaen, ich gaon mich gaeve!"
Max I (van den Eijnden)
"Krejeere en óntwerpe zit mich in 't blood.
Mér noe Prins van de Waereldsjtad en dat veult zoa good.
Same mit uch teiken ich de vastelaovend oet.
Gelaen Alaaf, Gelaen Veuroet!"
Casper I (Janssen)
"Es geer kènt tèlle, kènt geer mit mich raekene.
't Geveul van vreuger mót weer gaon laeve,
en ich zal mit mien Gelaense hart, dit jaor 't veurbeeld gaeve!"
Davey I (Nieuwendijk)
"Mèt mich veurop gaeve veer allemaol vleisj en blood aan de Waereldsjtad. Daoróm is en blif de Waereldsjtad Gelaen, "Mien Sjtad!"
Daan I (Strijbos)
"De vastelaovend in ós Waereldsjtad wört puntgaaf,
want same geit alles. Gelaen Alaaf!"
Sander I (Klinkers)
"Vanaaf noe kleurt Gelaen weer road gael greun,
en blaos ich mit de hermenie 't daak d'r aaf,
want de vastelaovend dae mót gekker waere,
hiej in ós Waereldsjtad Alaaf!"
Brian I (Beckers)
"Feës gezellig mit mich mit, daovan krit geer geine sjpiet.
Waereldsjtad laot van uch heuëre, dan besjteit Gelaen veur altied!"
Bas I (Jennissen)
"Al is d'r geine waeg, gein sjpaor en gein brök.
Mit Vastelaovend! Gelaen, dao kumps te trök!"
2020 | Daan II (Zweipfenning)
Van Kraonkel tot Awd-Gelaen,
Van Lèntjheuvel tot aan de Kloes,
Vastelaovend dat is: “Ós Sjpraok, Ós thoes”
2021 | Daan II (Zweipfenning)
Van Kraonkel tot Awd-Gelaen,
Van Lèntjheuvel tot aan de Kloes,
Vastelaovend dat is: “Ós Sjpraok, Ós thoes”
| DAAN ZWEIPFENNING
....
2022 | Daan II (Zweipfenning)
Van Kraonkel tot Awd-Gelaen, Van Lèntjheuvel tot aan de Kloes, Vastelaovend dat is: “Ós Sjpraok, Ós thoes”
2023 | Sjoerd I (Reintjens)
"Ós Waereldsjtad, dao kènt nemes taegeop. Same hosse, drènke, zènge, en ich maog eindelik veurop. Heerlik Gelaen! Gelaen Alaaf!
HISTORIE
Duuk in de historie van de Waereldsjtadvastelaovend en herbelaef de rieke gesjiekenis van Sjtadsvastelaoves- vereniging De Flaarisse.