SJTEUNBAERE & SJPONSORE

't Is dát biezunjere geveul dat twelf wieke en buurte verbènjd: de Waereldsjtadvastelaovend. Saer 1947 maak de georganiseerde vastelaovend integraal deil oet van de Gelaense identiteit. De Flaarisse gaon al meë es 77 jaor veurop, mit väöl bónte sezoene, talrieke gesjminkde gezichte, ontelbare kestuums en nog väöl meë sjlok, oetbunjige zittinge en de sjoanste vastelaovesoptochte. Mèr 't sjteit ouch veur ein väölvoud aan vereniginge, vriewilligers, muzikante en vastelaovesvierders, die allemaol ein sjtökske biedrage aan dit prachtige volksfeës dat veer van 11 november pès Esjelegoonsdig viere.

't Organisere van ózze Waereldsjtadvastelaovend kós geld

De óngersjteuning vanoet 't lokale bedriefslaeve en vriewilligers sjpele dan ouch ein belangrieke rol in 't in sjtand hauwte van deze prachtige tradisie. Door middel van sjponsorbiedrages zörrige óngernummers en bedrieve veur de óngersjteuning van väöle Gelaense aktiviteite en evenemente. De bekèndste initiatieve dae mit uche biedrage gesjteund waere zeen:

De vastelaovend is neet allein ein groat feës veur de Flaarisse-vereniging, mer baovenal eine veur gans de Waereldsjtad. Tensjlotte is jedere Gelaendenaer eine flaarin of flaaris. Daoróm organisere veer veur en viere veer same mit uch: de Vief van Gelaen, ózze Flaarisse-femilie, de bevrunje (parapluuj)vereniginge en alle luuj van ós Waereldsjtad. Mit uche biedrage óngersjteund geer dus bie ál deze aktiviteite.

Zakelik platform
Naeve uche biedrage höbbe De Flaarisse ouch ein zakelik netwirk aan ós sjteunbaere. Tiedes en rondóm ós aktiviteite organisere veer diverse momente, sjpesjaal veur ós zakelikke en partikuleëre sjteunbaere. 

Sjponsorkemissie
Ózze sjponsorkemissie van De Flaarisse besjteit oet ein enthousiaste groep óngernummers en vriewilligers mit hart veur Gelaen. Op dit moment besjteit de kemissie oet Raymond Keulers (Vz), Frank Bessems, Frans Mullens, Ruud van der Velden, Luck Brouns, John Fredrix, Jos Remmel, Rob Heinle en Ivo Smeets.

Sjponsormeugelikhede
Draag geer De Flaarisse - en daomit de Waereldsjtadvastelaovend - ein werm hart toe en wilt geer ós maatsjappelikke aktiviteite en evenemente sjteune? Dan höb geer de keuze oet ein 4-tal Partikuleëre óf Zakelikke sjteunbaerpakkette. Aafhankelik van uch biedrage besjtaon de pakkette oet ein x-type exposure, kaarte veur ós zittinge, ein sjpang in ‘t jaorthema, ’t sezoensvaenke en de jaor- of eëreorde 2025. Veur maotwirk kontakteert geer ózze sjponsorkemissie.