Dat luuj in aovendkleijer gein sjpas en plezeer kènne make, besjouwe veer es eine groate kwatsj. Same mit uch viere veer op eine oetbunjige en sfeervolle meneer ós Prónkzitting. Belaef ’t ultieme ‘vastelaovesgeveul’ te midde van De Flaarisse in Zalencentrum de Hanenhof. 

Veer prizzentere uch ein exclusieve aovend mit eësjteklas program. REMPETEMP, buutredner FER KOUSEN, LA BAMBA, tanzgruppe KÖLSCHE GREESBERGER en W-DREEJ zörge veur ein utesj gevarieerd en vermakelik program.

 
Ein biezunjer moment op deze aovend is de oetreiking van de Hoesordedrager 2025. De Hoesorde is de hoagste verenigingsóngersjeijing dae door Sjtadsvastelaovesverening de Flaarisse wurt oetgereik, es dank veur jaorelange inzèt veur de Waereldsjtadvastelaovend en in 't biezunjer de vereniging.