SENAAT
't Senaat van de Flaarisse besjteit oet besjtuurlik en organiesatories zeer ervare
manskaerels, die neet meer aktief zeen bènne de Road van Ellef van De Flaarisse. Ze höbbe häör sjpaore bènne De Flaarisse ruumsjoots verdeend en zeen van groate beteikenis gewaes veur de vereniging en de vastelaovend in Gelaen.
Nao väöle aktieve 'deensjaore' bènne de Road van Ellef, make Senatore vaak nog es adviseur deil oet van eine wirkgroep of kemissie op grondj van häör expertise.
Daonaeve haet 't Senaat ein sjterk sociaal karakter en zeen ze regelmatig betrokke bie de oetveuring van protocollaire- en representatieve take. Jaorliks organiseert 't Senaat oppe lètste vriedig van novemver ein heus buutegale, genaamd 'Buutesjpas'. Ein eësjte klas program aan buute in eine gezellige atmosfeer in de Hanenhof, wo de Buut tot zien rech kump en d’r respect is veur de artieste die ós ammezere.
20ste edisie Buutesjpas
Op vriedig 25 november 2025 vèngk de 20ste edisie van De Buutesjpas plaats in De Hanenhof. Eine aovend same good lache, in eine gezellige atmosfeer, wo de kunste van de Buut (tonpraote) tot zien rech kómme en d'r respek is veur de artieste die ós ammezere. Dat is De Buutesjpas. Ein sukesnummer wo alle groate name van 'de buut' waal eins acte de presence höbbe gegaeve. Auch dit jaor make suksesvolle kampioene van dit genre hun opwachting. De Senatore van de Flaarisse neuëdige uch van harte oet. Hub Stassen, zellef awt kampioen, zal dit jaor veur de 20ste en lètste maol 't programma presentere. Ein moment om te memorere!
Om 19:00 geit de zaal in de Hanenhof ape en ware de bezeukers ontvange door de meziek van Blaoskapel St. Augustinus o.l.v. Mark van den Hoogen. Om 19:45 sjtart ut program.
Ouch de entreepries is óm van te lache: à €15,- per persoon! Óndanks alle inflasie-eëlenj hilt ’t Senaat de pries geweun geliek. Kaarte zeen vanaaf 15 oktober 2025 in Gelaen te koup bie Kapsalon Roumen oppe Mèrt 52, Rousseau Chocolade oppe Mèrt 113 en Zalencentrum Hanenhof aan de Herenhof 2. Of in Baek bie Linolux De Duif oppe Mèrt 14.
