SOOSJETEIT AWT PRINSE (SAP)
De Soosjeteit Awt Prinse (SAP) van De Flaarisse haet saer häör oprichting mit biezunjere aktiviteite veur de neudige sjpektakel gezörrig in de Waereldsjtad (en wied dao boete...!). Zwao ouch mit häör jaorlikse aktiviteit wie 't SAP Klasjenere, de Vastelaoveskonzèrs mit 't Mestreechse Salon Orkès, André Rieu in de Hanehof, de Belzje Middige mit ónger angere Eddy Wally, Ubanus, de Pfaffs, Belle Perez en sjpesjale aovende ónger de noemer 'What’s SAP'.
Dit jaor wurd 't SAP Klasjenere georganiseerd in de feëstent bie Eetcafé De Kroon. Volg veur meë informasie de socials van de Soosjeteit Awt Prinse .
Aaftreije Sjtadsprins
Awd-sjtadsprins Sjoerd I van Sjtadsvastelaovesvereniging De Flaarisse Gelaen wirk bie Gasterie de Bokkereyer in Sweikese. Traditsiegetroew wurd de aaftreijende Sjtadsprins opgenómme bènne de vereniging van de Soosjeteit Awt Prinse (SAP) Flaarisse. Dat gebeurde dit jaor door de awd-prinse verkleid es bokkeriejers.