Inschrieving GVK 2024 gesjtart

De datum van ut Gelaens Vastelaovesleedjes Konkoer 2024 is bekendgemaak. Vriedig 3 november 2023 wurt d'r vanaaf 20:11 oer in groate zaal van De Reunie gesjtrede om de titel Gelaense Vastelaoves Schlager 2024.

De organisasie is in henj van de Vief van Gelaen, de vief vastelaovesvereniginge van de Waereldsjtad. De muzikale óndersjteuning en begeleiding van de deilnömmers is in vertroewde henj van de Bertha Bend. De entree is gratis.

De jurering vèngk plaats door ein vakjury en door de luuj in de zaal, die kènne mitsjtumme middels sjtömbreefkes. Same bepale zie de oeteindelikke winnaar. Artieste kènne zich veur deilname insjrieve middels óngersjtaond insjriefformulier. Dao kènt geer tevens ut reglement venje. 

 Download 'Reglement GVK 2023-2024'

 Download 'Insjriefformulier GVK 2023-2024'